王振民出新書 「香港永遠重要」

【明報專訊】近年愈嚟愈多內地學者認為，香港對內地嘅重要程度愈來愈低，佔內地經濟比重下降，地位今不如昔。 中聯辦法律部長王振民呢個月喺內地出咗本書，書名叫《一國兩制與基本法—二十年回顧與展望》，就幫香港講說話。 曾任清華大學法學院院長嘅王振民喺書中結語話，有人認為，20年前香港GDP佔中國的18.45%，舊年比例下降到2.85%，內地有啲省市超過咗香港。佢形容呢啲係錯誤認識，強調香港唔係依然重要，而係永遠重要，仲話屬於自己嘅國土，唔應該僅僅用經濟利益嚟衡量重要程度，唔係有錢咗就重要，窮咗就唔重要。


王部長又話「香港經驗」仍然係內地現代化嘅重要參照，而將香港搞好，確保一國兩制成功實施，對解決台灣問題意思重大。