長山隧道貫通 劉國勳拍片分享

【明報專訊】明年底將會竣工嘅蓮塘/香園圍口岸工程家如火如荼，其中全長約0.9公里嘅長山隧道噚日舉行貫通典禮，將未來嘅沙頭角公路交匯處同打鼓嶺連接。


身兼北區區議會交通及運輸委員會主席嘅民建聯立法會議員劉國勳噚日都去咗貫通典禮，仲拍埋片，記錄鑽挖機鑿穿隧道一刻，上載到facebook同網民分享。劉國勳話長山隧道貫通，標誌住蓮塘/香園圍口岸工程進入新里程碑，去到最後衝刺階段。佢話期待出年蓮塘口岸能如期啟用，到時新起嘅隧道同交通網絡，會令區內嘅交通更加方便。


立法會財委會前年通過蓮塘/香園圍口岸87億元追加撥款申請，工程費用由162億增加超過一半，去到249億元，超支87億元。