中外軍樂團 月中紅館匯演

【明報專訊】集多支中外軍樂團嘅「國際軍樂匯演」將於7月13至15日晚上8點喺紅磡香港體育館演出，門票為150及250元，現於城市售票網發售，350元門票已售罄。每場節目演出前一個鐘，於7點至7點45分喺體育館露天廣場有「與軍樂團會面」免費活動，市民可以同樂團團員合照。


另外，喺7月15及16日下晝兩點半至5點半，喺文化中心露天廣場有嘉年華，有部分訪港軍樂團同本地紀律部隊代表演出，仲有攤位遊戲等，活動免費入場。


參與今次演出嘅軍樂團包括中國人民解放軍軍樂團、中國人民解放軍海軍軍樂團、荷蘭皇家陸軍騎兵軍樂團、俄羅斯哈巴羅夫斯克東部軍區指揮部紅旗銅管樂團等，仲有香港警察樂隊、香港合唱團協會及Studiodanz參與演出。