新聞類別
財經
詳情#
【明報專訊】前幾日港股一眾細價股爆煲引發港股小型股地震，雖然對整體港股震級唔大，但冇諗到原來竟然都波及到A股！噚晚就有間叫做廈門國貿集團（600755）嘅A股上市國企發出公告，話佢下面間資產管理公司管理嘅5隻私募基金因為呢排港股波動而一齊爆倉！小琴睇到都真喺O晒嘴！
5基金屬廈門國貿旗下
公司話旗下5隻分別為「磐石」同埋「咏溪」系列嘅基金，因為受到近期港股市場「局部系統性風險」影響，令到基金淨值出現較大程度下跌，家已經觸及強制平倉線，仲要準備清埋盤咁誇張，一啲都冇「堅如磐石」個感覺！小琴就真喺諗唔到港股呢排發生咗咩外圍重大事件影響到股市，再加上個時間咁啱，好容易懷疑呢幾隻一齊爆倉嘅基金究竟買咗啲咩「好嘢」。呢間公司本業係做供應鏈管理、房地產同金融投資，但唔知自己有冇擺錢落去自己發行嘅呢啲基金度，如果有嘅話咁算唔算國有資產損失？咁先至大鑊咯！
email: piano@mingpao.com
[小琴密語]
5基金屬廈門國貿旗下
公司話旗下5隻分別為「磐石」同埋「咏溪」系列嘅基金，因為受到近期港股市場「局部系統性風險」影響，令到基金淨值出現較大程度下跌，家已經觸及強制平倉線，仲要準備清埋盤咁誇張，一啲都冇「堅如磐石」個感覺！小琴就真喺諗唔到港股呢排發生咗咩外圍重大事件影響到股市，再加上個時間咁啱，好容易懷疑呢幾隻一齊爆倉嘅基金究竟買咗啲咩「好嘢」。呢間公司本業係做供應鏈管理、房地產同金融投資，但唔知自己有冇擺錢落去自己發行嘅呢啲基金度，如果有嘅話咁算唔算國有資產損失？咁先至大鑊咯！
email: piano@mingpao.com
[小琴密語]
留言 (0)
