新聞類別
副刊
詳情#
【明報專訊】為慶祝香港回歸20周年，新華社早前喺facebook推出《我的Hong Kong》一曲，有廣東話同普通話兩個版本，昨日Emily就報道佢個廣東話版畀網友笑有啲「唔啱音」。而原來MV中部分片段，被發現同本港縮時攝影師Francis So作品《ESCAPE》嘅其中一段，幾乎一模一樣，疑似盜用他人短片。
北京總部人員﹕不知道
Francis So話，前晚先知新華社嘅MV喺未獲授權下，偷用《ESCAPE》嘅片段，仲刪除本身個水印，變咗「藍天白雲」，直斥新華社不問自取，「好唔尊重知識產權，問一問都好，畀唔畀係另一回事，但程序上都要咁做，呢啲係基本禮貌」。佢前晚喺新華社留言話對方盜用影片，噚日再向facebook檢舉。
facebook做嘢都好快手，新華網facebook專頁昨午已經搵唔到《我的Hong Kong》，但內地社交媒體騰訊，仲可以搵到同樣用咗《ESCAPE》片段嘅普通話版。Emily就事件打去新華社香港facebook上嘅電話，但長響無人聽，無得留言；打埋北京負責處理港台澳新聞嘅總部，對方對事件表示「不知道」。
短片《ESCAPE》幾威水㗎，今年就喺葡萄牙「電影藝術及旅遊節」中獲得最佳音樂影片第二名。
北京總部人員﹕不知道
Francis So話，前晚先知新華社嘅MV喺未獲授權下，偷用《ESCAPE》嘅片段，仲刪除本身個水印，變咗「藍天白雲」，直斥新華社不問自取，「好唔尊重知識產權，問一問都好，畀唔畀係另一回事，但程序上都要咁做，呢啲係基本禮貌」。佢前晚喺新華社留言話對方盜用影片，噚日再向facebook檢舉。
facebook做嘢都好快手，新華網facebook專頁昨午已經搵唔到《我的Hong Kong》，但內地社交媒體騰訊，仲可以搵到同樣用咗《ESCAPE》片段嘅普通話版。Emily就事件打去新華社香港facebook上嘅電話，但長響無人聽，無得留言；打埋北京負責處理港台澳新聞嘅總部，對方對事件表示「不知道」。
短片《ESCAPE》幾威水㗎，今年就喺葡萄牙「電影藝術及旅遊節」中獲得最佳音樂影片第二名。
回應 (0)
