新聞類別
副刊
詳情#
【明報專訊】踏入七月，兩個豆丁已經諗緊暑假去邊玩喇！但Mama發現有班家長特別緊張，皆因佢哋嘅細路即將升小一。有啲想小朋友預習定小一課文，確保跟上進度，但又有啲怕會加重壓力，令佢哋更驚返小學。
當Mama請教聖公會聖基道兒童院健苗軒服務總監陳香君，佢即刻忠告家長，千祈唔好預習，以免小朋友上堂冇新鮮感，最怕係冇咗學習經驗，「小朋友聽到唔識嘅嘢，先有好奇心去聽老師講、記住同思考，呢個經歷對日後學習相當重要。一開始唔聽，以後更加唔想聽，甚至上堂搞搞震」。
預習課本最大忌
唔使預習咪好得閒？未必，升小後環境、學習方式都有轉變，最好趁放假做足準備。陳香君就列出七大項目，各位家長跟住做，就唔怕漏啦！
一、首先要幫助小朋友適應環境，開學前起碼去一去間學校，仲可以用小技巧，例如話﹕「唔知音樂室係點呢？媽咪好想知呀！」小朋友會記喺心裏面，開學之後都會留意。
二、最好用輕鬆方法介紹上學流程，包括點執書包、小息做乜好、想去廁所應該點提出，同埋上堂要坐定，「佢哋未有時間概念，不如同佢哋試演一次，坐定定35分鐘。教執書包就可以玩遊戲，鬥快將教科書執好」。
三、人際關係。教小朋友一啲邀請、打招呼嘅技巧，亦請孩子做定心理準備，「如果其他同學自幼稚園就相識，唔太歡迎新朋友，小朋友想一齊玩時可能被拒，或者小息冇人陪。家長最好預先講定，咁唔代表同學討厭佢」。
四、師生關係。有時家長會講「你唔乖，老師就罰你」之類嘅說話，有機會令小朋友抗拒返學。不妨掉轉講「如果交齊功課，老師就會讚你」，等佢哋期待同老師建立關係。
五、小朋友未必了解校內唔同人嘅角色，見風紀著普通校服，唔係老師，就唔肯聽佢哋指示。所以家長可以事先介紹一下學校有咩人，要點同佢哋共處。
六、要教佢哋應對突發事件，例如放學落咗校車搵唔到家長，點算？設多幾個場景，用故事形式去表達，一邊講故仔一邊畀佢哋思考解決方法，「最緊要係求助途徑，佢哋識搵老師幫手，有突發事時就唔會驚同無助」。
最後，係建立「返學好開心」嘅概念，有讀小學嘅表哥表姐嘅話，可以請佢哋講吓點適應，或者由家長分享兒時讀書趣聞，加一句「細個讀幼稚園，大個仔就讀間大啲嘅學校」，令佢哋覺得升小學係好事。
陳香君最後提大家，好多小學有小一適應班，記得預留時間，「有家長會安排咗去旅行，但其實好值得參加，對升小適應有幫助，仲識到同級嘅朋友」。
[Happy PaMa 教得樂 第145期]
當Mama請教聖公會聖基道兒童院健苗軒服務總監陳香君，佢即刻忠告家長，千祈唔好預習，以免小朋友上堂冇新鮮感，最怕係冇咗學習經驗，「小朋友聽到唔識嘅嘢，先有好奇心去聽老師講、記住同思考，呢個經歷對日後學習相當重要。一開始唔聽，以後更加唔想聽，甚至上堂搞搞震」。
預習課本最大忌
唔使預習咪好得閒？未必，升小後環境、學習方式都有轉變，最好趁放假做足準備。陳香君就列出七大項目，各位家長跟住做，就唔怕漏啦！
一、首先要幫助小朋友適應環境，開學前起碼去一去間學校，仲可以用小技巧，例如話﹕「唔知音樂室係點呢？媽咪好想知呀！」小朋友會記喺心裏面，開學之後都會留意。
二、最好用輕鬆方法介紹上學流程，包括點執書包、小息做乜好、想去廁所應該點提出，同埋上堂要坐定，「佢哋未有時間概念，不如同佢哋試演一次，坐定定35分鐘。教執書包就可以玩遊戲，鬥快將教科書執好」。
三、人際關係。教小朋友一啲邀請、打招呼嘅技巧，亦請孩子做定心理準備，「如果其他同學自幼稚園就相識，唔太歡迎新朋友，小朋友想一齊玩時可能被拒，或者小息冇人陪。家長最好預先講定，咁唔代表同學討厭佢」。
四、師生關係。有時家長會講「你唔乖，老師就罰你」之類嘅說話，有機會令小朋友抗拒返學。不妨掉轉講「如果交齊功課，老師就會讚你」，等佢哋期待同老師建立關係。
五、小朋友未必了解校內唔同人嘅角色，見風紀著普通校服，唔係老師，就唔肯聽佢哋指示。所以家長可以事先介紹一下學校有咩人，要點同佢哋共處。
六、要教佢哋應對突發事件，例如放學落咗校車搵唔到家長，點算？設多幾個場景，用故事形式去表達，一邊講故仔一邊畀佢哋思考解決方法，「最緊要係求助途徑，佢哋識搵老師幫手，有突發事時就唔會驚同無助」。
最後，係建立「返學好開心」嘅概念，有讀小學嘅表哥表姐嘅話，可以請佢哋講吓點適應，或者由家長分享兒時讀書趣聞，加一句「細個讀幼稚園，大個仔就讀間大啲嘅學校」，令佢哋覺得升小學係好事。
陳香君最後提大家，好多小學有小一適應班，記得預留時間，「有家長會安排咗去旅行，但其實好值得參加，對升小適應有幫助，仲識到同級嘅朋友」。
[Happy PaMa 教得樂 第145期]
回應 (0)
