新聞類別
副刊
詳情#
【明報專訊】Mama同好多人一樣，鍾意睇啲八卦娛樂新聞，近年大家成日讚美好多40歲以上嘅女藝人「唔識老」，個樣仲好似後生時咁甜美，封佢哋做「凍齡女神」！其實Mama好想講，親子界都有一位「凍齡」男士，就係大人細路永遠都叫佢做「哥哥」嘅Harry哥哥啦！
有小朋友嘅地方就會有我！
Harry哥哥30年前（1986年）已經開始喺香港電台做兒童節目，時至今日，好多小觀眾都長大成人，甚至已經為人父母，都仲會帶自己嘅仔女去睇Harry哥哥演出，真係唔講得笑！有粉絲曾經同Mama講，擔心Harry哥哥會退休，但Harry哥哥就大派定心丸，佢話只要有機會接觸小朋友同舞台，佢都唔會諗退休住，「因為我覺得有小朋友嘅地方就會有我！」聽Harry哥哥講完，大家係咪安心晒呢！
其實由2003年開始，Harry哥哥幾乎每年暑假都會安排一啲精彩節目畀大小朋友欣賞，今年又點會例外？早前佢為港台拍咗130集電視節目《Harry哥哥好鄰居》，深受小朋友同家長歡迎，嚟緊仲會開暑假特別版；而今年嘅國際綜藝合家歡，佢就會將電視節目嘅場景搬到舞台，7月22、23、29同30日分別喺屯門同沙田大會堂演奏廳演出魔法音樂劇場《鄰居，你好嗎？》。
話明係魔法劇場，梗係唔少得Harry哥哥最拿手嘅魔術表演啦！Mama聽佢講，成個表演會有唔少互動元素，啱晒一家大細去睇，佢話：「今次連三歲小朋友都可以入場睇，不過我希望觀眾並唔係淨係小朋友，而係一家大細，每個家庭都會開開心心咁離場㗎！」據知沙田場次一早就爆滿，唔少觀眾都失望，但係Mama聽到Harry哥哥話沙田加開7月30日上午11:00一場，想睇記得快啲去買飛啦！
[Happy PaMa 教得樂 第144期]
有小朋友嘅地方就會有我！
Harry哥哥30年前（1986年）已經開始喺香港電台做兒童節目，時至今日，好多小觀眾都長大成人，甚至已經為人父母，都仲會帶自己嘅仔女去睇Harry哥哥演出，真係唔講得笑！有粉絲曾經同Mama講，擔心Harry哥哥會退休，但Harry哥哥就大派定心丸，佢話只要有機會接觸小朋友同舞台，佢都唔會諗退休住，「因為我覺得有小朋友嘅地方就會有我！」聽Harry哥哥講完，大家係咪安心晒呢！
其實由2003年開始，Harry哥哥幾乎每年暑假都會安排一啲精彩節目畀大小朋友欣賞，今年又點會例外？早前佢為港台拍咗130集電視節目《Harry哥哥好鄰居》，深受小朋友同家長歡迎，嚟緊仲會開暑假特別版；而今年嘅國際綜藝合家歡，佢就會將電視節目嘅場景搬到舞台，7月22、23、29同30日分別喺屯門同沙田大會堂演奏廳演出魔法音樂劇場《鄰居，你好嗎？》。
話明係魔法劇場，梗係唔少得Harry哥哥最拿手嘅魔術表演啦！Mama聽佢講，成個表演會有唔少互動元素，啱晒一家大細去睇，佢話：「今次連三歲小朋友都可以入場睇，不過我希望觀眾並唔係淨係小朋友，而係一家大細，每個家庭都會開開心心咁離場㗎！」據知沙田場次一早就爆滿，唔少觀眾都失望，但係Mama聽到Harry哥哥話沙田加開7月30日上午11:00一場，想睇記得快啲去買飛啦！
[Happy PaMa 教得樂 第144期]
回應 (0)
