30年鞋店結業 老店東嘆無人街市買鞋

【明報專訊】「啱就10蚊，全部10蚊！」荃灣街市一間老鞋店，因八旬店主年邁及有腳傷，將於本月底結業。租下4個舖位30年的店主林伯為能在結業前清貨，不論任何鞋款均割價10元出售。有人日前在facebook呼籲幫忙清貨，獲不少網民響應，惟店主慨嘆鞋款或不合時下香港人，即使10元也未必可賣清。


清貨售10元無人要

「美亮鞋」鞋店有4個舖位，由林伯與妻子打理，惟林伯兒子透露，父親上月受傷入院，現在「行路都唔穩」，只好結業讓他休息。林伯說自己經營鞋店30年，「40幾歲做到現在」，又說現在街市人流少，即使清貨大減貨亦沒太多人光顧，「呢啲咁嘅鞋，我本來賣99蚊，家賣10蚊都冇人要」。


若到結業日仍未能將貨售清，他說只好將剩餘的鞋丟掉，「自己老喇，無辦法，自己唔得。（賣唔晒咁點？）咪當垃圾囉」。林伯兒子昨也在店內，林伯說﹕「個仔都唔做，返下工仲好啦……（經營鞋店）日日做十幾個鐘，一個星期做足7日。」兒子說父親口講「掉晒啲（買剩的）貨」，但心裏其實是不捨得結業。他說鞋店在他出世前已開業，父親靠經營鞋店養活一家五口，但街市鞋店日漸式微，「以前好多人喺街市買鞋，但家連自己仔女都唔會喺街市買啦」。


明報記者 凌沛恩