新聞類別
財經
詳情#
【明報專訊】創新主板究竟會不會成功？我會回答﹕「第一，要搞好一隻板，少說也要十年八年時間，短期肯定不可能成功。第二，它要成功，先決條件是有大型公司願意在這板上市，究竟做不做得到先？」
或者可以問一句：如果幾年前已有創新主板，馬雲會不會把阿里巴巴在此板上市呢？如果我是馬雲，肯定會想：「唓！都唔知得唔得嘅，我咁大間公司，皇帝女唔憂嫁，梗係搵個最勁嘅板，先至肯上啦！」
新板短期難見成效
據說，當日交易所開了綠燈，容許阿里巴巴可以在創業板玩「同股不同權」，但馬雲心想，創業板咁cheap，點上得落呀？如果阿里巴巴不肯在創業板上，咁又會唔會肯上創新板呢？所以，我的看法是，創新主板或者得，或者唔得，無人知，不過遠水不能救近火，短期肯定不能發揮作用。
有一天，某名朋友講起某名股壇大賊的故事，好笑到爆炸。話說這名股壇大賊同幾個朋友，發展出一套賭馬必勝法，大家聚埋一齊，開着幾十部電視，一齊賭馬。這時，某名黑社會大佬上來探訪，說時遲那時快，跟蹤黑社會大佬多時的反黑組探員一擁而上，把全部人拉上差館，那名股壇大佬也不例外，上晒電視，朋友說：「我仲認得佢件衫。」
原來反黑組以為他們收外圍，誰知一張馬纜都搜不到，只有放人啦！我問：「即係點？」朋友說：「反黑組叫晒傳媒來影相，事後有無檢控鬼知咩。從公關角度看，已算是破了宗大案㗎啦！」以上純屬江湖傳聞！
[周顯 投資二三事]
或者可以問一句：如果幾年前已有創新主板，馬雲會不會把阿里巴巴在此板上市呢？如果我是馬雲，肯定會想：「唓！都唔知得唔得嘅，我咁大間公司，皇帝女唔憂嫁，梗係搵個最勁嘅板，先至肯上啦！」
新板短期難見成效
據說，當日交易所開了綠燈，容許阿里巴巴可以在創業板玩「同股不同權」，但馬雲心想，創業板咁cheap，點上得落呀？如果阿里巴巴不肯在創業板上，咁又會唔會肯上創新板呢？所以，我的看法是，創新主板或者得，或者唔得，無人知，不過遠水不能救近火，短期肯定不能發揮作用。
有一天，某名朋友講起某名股壇大賊的故事，好笑到爆炸。話說這名股壇大賊同幾個朋友，發展出一套賭馬必勝法，大家聚埋一齊，開着幾十部電視，一齊賭馬。這時，某名黑社會大佬上來探訪，說時遲那時快，跟蹤黑社會大佬多時的反黑組探員一擁而上，把全部人拉上差館，那名股壇大佬也不例外，上晒電視，朋友說：「我仲認得佢件衫。」
原來反黑組以為他們收外圍，誰知一張馬纜都搜不到，只有放人啦！我問：「即係點？」朋友說：「反黑組叫晒傳媒來影相，事後有無檢控鬼知咩。從公關角度看，已算是破了宗大案㗎啦！」以上純屬江湖傳聞！
[周顯 投資二三事]
回應 (0)
