登民記刊物封面 鄭泳舜突然大熱「是巧合」

【明報專訊】民建聯早前先公布由副秘書長鄭泳舜（Vincent）跑出九龍西初選，轉個頭Emily就見到新一期嘅民記家庭事務委員會刊物《家+We are Family》封面故事，就係大大個鄭泳舜同藝人布偉傑（Brian） 做訪問，好鬼搶眼。裏面更有Vincent嘅個人專訪，講關於少數族裔問題，唔通民記咁快手就計劃幫佢增加曝光谷人氣？
非為九西補選谷人氣
話說民記家庭事務委員會啱啱換屆，主席鍾嘉敏噚日喺傳媒茶敘上就笑言，Vincent上封面同佢早前贏出嘅「喜事」純粹巧合。佢話家庭事務委員會一直都會同民記其他委員會合作，咁啱Vincent本身都係少數族裔委員會主席，所以搵咗對方訪問。在旁嘅Vincent就笑言自己無補充喇。
新一屆家庭事務委員會噚日簽署「家庭友善約章」，向政府提出包括增加地區綜合家庭服務中心、男士侍產假由3日增加至5日、加強危機家庭支援服務等。