新聞類別
財經
詳情#
【明報專訊】貿發局主席羅康瑞（左三）噚日同一班記者朋友茶敘，講吓TDC最近推廣「一帶一路」活動嘅工作進度，講到今年5月帶咗啲港企去泰國同越南考察，羅康瑞話好開心可以獲泰國總理同越南總理接見，不過，一開始同泰國總理交流就有少少唔慣。
唔知係咪當地文化關係，羅康瑞話同泰國總理交流時，總理係要坐高啲，香港團就坐低少少，想講嘢呢，又要好似小學雞咁企出嚟對住個咪逐個發言，羅康瑞都忍唔住話：「咁樣點交流呀？」不過，羅康瑞話，全靠香港團嘅熱誠，最後泰國總理畀佢地感動到，後來好似放低咗架子，主動同香港團友逐個握手，仲逐個selfie，既然大家傾得咁融洽，港商未來同泰國嘅合作項目一定排住隊咁嚟。
公司旗下不會投資一帶一路
羅康瑞話，今次呢個trip令佢發現，東南亞地區係有好多商機，自己睇咁多大金額project都流晒口水，不過，做得TDC主席就要保持中立嘅角色，任內都唔會用旗下集團投資「一帶一路」project，廢事有利益衝突喎！
email: piano@mingpao.com
[小琴密語]
唔知係咪當地文化關係，羅康瑞話同泰國總理交流時，總理係要坐高啲，香港團就坐低少少，想講嘢呢，又要好似小學雞咁企出嚟對住個咪逐個發言，羅康瑞都忍唔住話：「咁樣點交流呀？」不過，羅康瑞話，全靠香港團嘅熱誠，最後泰國總理畀佢地感動到，後來好似放低咗架子，主動同香港團友逐個握手，仲逐個selfie，既然大家傾得咁融洽，港商未來同泰國嘅合作項目一定排住隊咁嚟。
公司旗下不會投資一帶一路
羅康瑞話，今次呢個trip令佢發現，東南亞地區係有好多商機，自己睇咁多大金額project都流晒口水，不過，做得TDC主席就要保持中立嘅角色，任內都唔會用旗下集團投資「一帶一路」project，廢事有利益衝突喎！
email: piano@mingpao.com
[小琴密語]
回應 (0)
