菁英會馬會合辦 青年創業賽 中四都玩得

【明報專訊】近年個個都講創意同科技，香港菁英會同賽馬會搞咗個「創新智慧互聯網+」3i青年菁英創業比賽，畀一啲想搞互聯網創業嘅人參加。比賽分為商業計劃組同新創企業組，前者對象係中四或以上學生、大專生或45歲以下人士，冠亞季軍分別有3萬至1萬元獎金；後者畀創業唔多過6年同總銷售額少於5000萬元嘅中小企參加，獎金由1萬至5萬元，要求一半隊員45歲或以下。比賽截止日期為下月7號。
Emily問菁英會副主席黃麗芳，啲後生仔會唔會唔夠較大年紀嘅參賽者爭，佢話年輕人更有創意，但提醒有意參加者睇清楚比賽要求，同埋喺市場上面，如果考慮埋國際或內地會較有優勢，而獎金唔係最重要，反而參賽者可以有機會認識商界人士。比賽詳情可瀏覽網址（www.nextfurlong.org.hk/index.php/activity/forume-7）。