新聞類別
副刊
詳情#
【明報專訊】暑假就快到，小朋友又可以輕輕鬆咁休息啦！不過呢句說話Mama只係講啱咗一半，事關對好多怪獸家長嚟講，暑假係另一個學習嘅黃金時段，佢哋係呢個時候瘋狂為仔女編排暑期時間表，分分鐘仲多嘢學過返學嘅日子！
Mama呢排揭開雜誌或者路經商場，都已經見到好多兒童暑期班招生廣告，學嘅嘢五花八門不在話下，而且招攬口號愈來愈神奇，例如Mama見過一啲專為幼稚園小朋友而設嘅暑期班，竟然話可以一次過培育小朋友嘅八大多元智能，甚至提供埋「即食」證書，讀兩個月就有一張由乜乜專家認證嘅Cert，有助佢哋第日考小學喎。嘩，家呢個咩世界？唔通所謂嘅興趣班、所謂嘅暑假，就係為咗用嚟「勞役」一班幼兒、滿足怪獸家長變態心理？
教育應配合個人特性
講返大家近年成日聽到嘅多元智能，其實對幼兒嚟講係咪必須咁刻意去培育？Mama走去問下東華學院幼兒教育學系助理教授李麗梅（Frances）。1980年代美國哈佛大學教育研究所教授Howard Gardner提出多元智能（Multiple Intelligences）理論，其實係指在IQ以外，智能仲分好多種，有啲人語文叻啲，有啲音樂叻啲，所以唔同嘅人都有其獨特同長處。Frances話，Howard Gardner嘅意思，其實係想講教育應配合每個人唔同嘅特性，而唔應該着重於一兩方面。只可惜，後來大家都將佢嘅理論放咗落去唔同嘅學習範疇，搞到人人都要周身刀張張利先叫做叻咁樣。
自由遊戲過程也是學習
作為一個教育學者，又係一子一女之母，Frances都話暑假嘅目的應該係畀小朋友休息同玩，而玩都應該係偏向自由遊戲，尤其對幼兒嚟講，自由遊戲嘅過程佢哋都係學習緊，「暑期活動係一個課程，設計上又真係好難有太多自由遊戲時間，而且太自由都好難同家長交代。不過我睇過好多幼兒暑期活動內容，其實都係做手工、學普通話之類，呢啲幼稚園課堂中已經有做，咁家長係咪要考慮下有冇需要又學返學校學嘅嘢呢？」Frances話暑假同小朋友報一兩個興趣班消磨時間無可厚非，但係安排密麻麻嘅活動，甚至係為咗一張證書而參加，對小朋友對家長亦都係一種壓力，咁又何苦呢？Mama奉勸醒目嘅家長千祈要考慮清楚，唔好等仔女一放假就變咗怪獸，破壞美好嘅親子關係。
[Happy PaMa 教得樂 第143期]
Mama呢排揭開雜誌或者路經商場，都已經見到好多兒童暑期班招生廣告，學嘅嘢五花八門不在話下，而且招攬口號愈來愈神奇，例如Mama見過一啲專為幼稚園小朋友而設嘅暑期班，竟然話可以一次過培育小朋友嘅八大多元智能，甚至提供埋「即食」證書，讀兩個月就有一張由乜乜專家認證嘅Cert，有助佢哋第日考小學喎。嘩，家呢個咩世界？唔通所謂嘅興趣班、所謂嘅暑假，就係為咗用嚟「勞役」一班幼兒、滿足怪獸家長變態心理？
教育應配合個人特性
講返大家近年成日聽到嘅多元智能，其實對幼兒嚟講係咪必須咁刻意去培育？Mama走去問下東華學院幼兒教育學系助理教授李麗梅（Frances）。1980年代美國哈佛大學教育研究所教授Howard Gardner提出多元智能（Multiple Intelligences）理論，其實係指在IQ以外，智能仲分好多種，有啲人語文叻啲，有啲音樂叻啲，所以唔同嘅人都有其獨特同長處。Frances話，Howard Gardner嘅意思，其實係想講教育應配合每個人唔同嘅特性，而唔應該着重於一兩方面。只可惜，後來大家都將佢嘅理論放咗落去唔同嘅學習範疇，搞到人人都要周身刀張張利先叫做叻咁樣。
自由遊戲過程也是學習
作為一個教育學者，又係一子一女之母，Frances都話暑假嘅目的應該係畀小朋友休息同玩，而玩都應該係偏向自由遊戲，尤其對幼兒嚟講，自由遊戲嘅過程佢哋都係學習緊，「暑期活動係一個課程，設計上又真係好難有太多自由遊戲時間，而且太自由都好難同家長交代。不過我睇過好多幼兒暑期活動內容，其實都係做手工、學普通話之類，呢啲幼稚園課堂中已經有做，咁家長係咪要考慮下有冇需要又學返學校學嘅嘢呢？」Frances話暑假同小朋友報一兩個興趣班消磨時間無可厚非，但係安排密麻麻嘅活動，甚至係為咗一張證書而參加，對小朋友對家長亦都係一種壓力，咁又何苦呢？Mama奉勸醒目嘅家長千祈要考慮清楚，唔好等仔女一放假就變咗怪獸，破壞美好嘅親子關係。
[Happy PaMa 教得樂 第143期]
回應 (0)
