副局齊人大合照

【明報專訊】今屆政府任期即將完結，現屆班子唔少官員各散東西，早前一批副局長特登喺政府總部影大合照留念，但有眼尖嘅網民發現相中少咗副財經事務及庫務局長劉怡翔（James）。副商經局長梁敬國再上載幾張齊人相片（圖），喺facebook同大家揭秘，話早前少咗James（前排右一）嘅相片係因為張相由佢操刀。大家平時見官員都一本正經，難得見到相中3名女副局，包括陸恭蕙（前排左三起）、許曉暉同陳肇始都擺晒姿勢，連已升任局長嘅蕭偉強（前排左二）都扭埋一份。