林鄭支持無家者世盃

【明報專訊】「賽馬會無家者世界盃奧斯陸2017（香港區）」過去兩日舉行，噚日舉行頒獎禮，候任特首林鄭月娥（中）亦有出席，活動搞手之一嘅社區組織協會主任何喜華致辭時話，近年露宿者人數上升，希望林太上任特首後可改善房屋問題。林太致辭時就話，一直樂意參與關注露宿者嘅活動，作為官員有責任了解基層面對嘅問題，並「有理想、有希望地」解決民生問題。
呢個活動亦有立法會議員報名參與，跨黨派組隊踢波，噚日有份落場嘅包括民建聯劉國勳、民主黨胡志偉、社民連梁國雄同醫學界議員陳沛然，劉國勳帶病上陣，但有外援幫助，最終議員隊贏波。