新聞類別
財經
詳情#
【明報專訊】恒大集團（3333）噚日開股東會，佢哋早前宣布輸70億人仔大手沽售萬科（2202）套現，成為焦點，全世界嘅小記都落去諗住等主席許家印問番幾句。不過，許生最後no show，大家同佢緣慳一面，在場人士仲話管理層唔講嘢。大家唯有死等，博吓會唔會有啲奇蹟，當見到執行董事黃賢貴出現時，佢一邊急步離開，在場有小記問到佢，好似賣萬科對減債作用唔大，佢先至話，若對公司有好處，公司會考慮，之後就溜之大吉也！
借殼A股上市 下月再提交
在場有股東代表同小琴講番，會內管理層同佢哋講，借殼深深房A股上市一事，可能會喺今個月底、下個月初再交多啲文件畀監管當局審理。
另外，喺股東大會舉行前發生一段小插曲，據稱有一個特登南下嘅恒大股東不得其門而入，一度同過戶處職員理論，最後經在場職員同公關調解，最終先可以入場了事，唔係嘅話，隨時妹仔大過主人婆，花邊新聞大過主菜！
[小琴密語]
借殼A股上市 下月再提交
在場有股東代表同小琴講番，會內管理層同佢哋講，借殼深深房A股上市一事，可能會喺今個月底、下個月初再交多啲文件畀監管當局審理。
另外，喺股東大會舉行前發生一段小插曲，據稱有一個特登南下嘅恒大股東不得其門而入，一度同過戶處職員理論，最後經在場職員同公關調解，最終先可以入場了事，唔係嘅話，隨時妹仔大過主人婆，花邊新聞大過主菜！
[小琴密語]
回應 (0)
