回歸20周年郵票 7．1發售

【明報專訊】仲有兩個幾星期就係香港回歸20周年，香港郵政宣布將會喺7月1號發售兩套回歸紀念郵票，分別係「香港特別行政區成立二十周年」同「中國郵政—香港郵政聯合發行：香港回歸祖國二十周年」紀念郵票。


「香港特別行政區成立二十周年」紀念郵票一套4枚，展示香港社會嘅特色同吸引力，以單點透視嘅立體構圖方式表達香港發展潛力無限。


「中國郵政—香港郵政聯合發行：香港回歸祖國二十周年」紀念郵票就以「龍騰香江」為主題。


由即日起，各郵政局會發售呢兩套紀念郵票嘅正式首日封，每個售價1.3元。「香港特別行政區成立二十周年」紀念郵票嘅正式首日封（珍藏版）將會同日起喺各集郵局發售，每個8元。