九倉電訊易主 改名匯港電訊

【明報專訊】舊年10月賣盤畀TPG財團嘅九倉電訊，終於都改名，新名叫做匯港電訊，仲換埋新Logo(口添)。匯港電訊總裁馬惟善就話新Logo比以前更有力量，象徵飛得更高更遠。
佢仲喺發布會提出未來公司發展方向；當中包括：完善分銷商網絡，令收入貢獻可以佔整體收入2%至3%，同埋推動公共雲服務等。
稱香港寬頻減價搶客「零影響」
香港寬頻（1310）日前減價，而且講到明要搶九倉嘅商業客戶，馬惟善回應話，香港寬頻對佢哋嘅業務「零影響」，佢仲透露香港寬頻早喺6個月前開始減價，但公司嘅客戶流失率冇因為咁而增加。佢認為商業客戶需要可靠嘅網絡同高質素嘅服務，所以唔會因短時間嘅優惠而轉台。
對於近日有傳TPG同MBK Partners組成嘅財團有意競投和記電訊（0215）旗下固網業務同和記環球電訊，馬惟善就唔發表評論喇。
email: piano@mingpao.com
[小琴密語]