昆士蘭保險：客戶要諗方法自保

【明報專訊】企業面對風險來自四方八面，最近昆士蘭保險做咗個調查，原來喺上年芸芸咁多種風險裏面，碰到最多嘅風險，係因為業務中斷導致嘅損失收入，佔比有26%，其他如設備故障/損壞、法律合規同埋僱員因工受傷，都分別有23%、21%同20%。同埋好多公司好可能喺出事後，先搵商業責任同專業賠償保險，較為被動咁話。亦有個別受訪者，話喺出事後都唔會採取任何行動，包括去做好風險控制同保險保障。專業保險嘅認知率同投保率分別低至24%和13%。


個別出事後 仍唔會買保險

昆士蘭保險香港政總裁麥展宏話，喺訴訟風氣盛行嘅商業世界，香港企業要做更多嘢去保障自己同客戶。佢提醒，企業面對唔同挑戰下，需要諗方法保障自己，唔使無端端要面對索償兼無生意做。


[小琴密語]