新聞類別
財經
詳情#
【明報專訊】鷹君集團（0041）羅氏家族最近因為撤換家族信託人匯豐一事，見報率明顯增加，並曾經一度傳出羅老太對事件唔多高興，甚至唔想事件繼續經報紙宣揚。
羅老太：匯豐提有違意願方案
殊不知，噚日又有羅老太嘅家書流出，仲話信託人喺2016年初已經唔跟佢意願行事，搞咗成年，匯豐仲提出有違佢同先夫意願嘅方案，仲威脅話搞到去法庭去實行呢啲方案，所以最後要先發制人，向匯豐採取行動喎！唔知寫呢封信係咪未做好校對，起碼有6粒錯別字。
之不過，呢封信嘅發信日期係5月18日。點解咁早？據講封信一早已寫好同簽名，只係未攞出來，希望等啲仔女坐低開會先喎，今次出呢封信同打官司關係唔大。不過，羅家咁樣經常信來信往，唔知幾時真係坐埋一齊好好傾番吓！羅家老二旭瑞同老三嘉瑞嗰邊，暫時未見有聲氣回應。據講，始終羅家信託係一個全權信託畀匯豐打理，要貿然改動其實幾難，其實解決件事，最終要等佢哋一家人坐低慢慢傾先有轉機。
email: piano@mingpao.com
[小琴密語]
羅老太：匯豐提有違意願方案
殊不知，噚日又有羅老太嘅家書流出，仲話信託人喺2016年初已經唔跟佢意願行事，搞咗成年，匯豐仲提出有違佢同先夫意願嘅方案，仲威脅話搞到去法庭去實行呢啲方案，所以最後要先發制人，向匯豐採取行動喎！唔知寫呢封信係咪未做好校對，起碼有6粒錯別字。
之不過，呢封信嘅發信日期係5月18日。點解咁早？據講封信一早已寫好同簽名，只係未攞出來，希望等啲仔女坐低開會先喎，今次出呢封信同打官司關係唔大。不過，羅家咁樣經常信來信往，唔知幾時真係坐埋一齊好好傾番吓！羅家老二旭瑞同老三嘉瑞嗰邊，暫時未見有聲氣回應。據講，始終羅家信託係一個全權信託畀匯豐打理，要貿然改動其實幾難，其實解決件事，最終要等佢哋一家人坐低慢慢傾先有轉機。
email: piano@mingpao.com
[小琴密語]
回應 (0)
