新聞類別
財經
詳情#
【明報專訊】去年同Uber爭奪中國內地「call車」市場嘅滴滴出行又有新搞作！滴滴聲稱為咗促進女僱員嘅發展，允許有小朋友同埋懷孕期間嘅女僱員每周可以有一日喺屋企辦公。
每周一天home office照顧孩子
除此之外，滴滴仲趁成立5周年公布一系列為女僱員而設嘅新措施，當中包括提供一系列培訓同教育課程，同時提高對女僱員特殊醫療嘅保險額。滴滴現時大約有7000名員工，女性佔40%，其中工程師、大數據科學家同產品經理隊伍就佔咗37%。
唔單止咁，今年3月滴滴成立女性職業成長計劃「滴滴女性聯盟」，目的係激發滴滴多元文化氣息，推動高潛能女性嘅成長，兼創造更有利於女性職場發展嘅工作環境(口添)。
滴滴推出咗咁多福利畀女士們，唔知幾時輪到男員工呢？
[小琴密語]
回應 (0)
