周日起搭港鐵 八達通每程回贈3%

【明報專訊】港鐵早前公布喺2017/18年度唔會調整票價，而噚日就公布由今個月18日（星期日）起，乘客使用八達通搭港鐵，每程車費將會根據現時車費回贈3%，為期6個月，乘客仲可以程程受惠(口添)！
雖然畀市民話港鐵嘅減價係小恩小惠，但港鐵好落力咁，同日起喺佢哋嘅智能手機應用程式推出全新嘅「車票建議」功能，新功能會根據最合適嘅車票種類、特別計劃及優惠，幫乘客按佢嘅路程，計吓慳錢最多嘅車票組合同優惠畀大家選擇。不過要提提大家，今次港鐵嘅優惠，唔包括機場快線、東鐵線頭等車廂同港鐵接駁巴士㗎。