新聞類別
副刊
詳情#
【明報專訊】早前Mama喺網上見到有幼稚園老師，用紙皮等物料，做咗一個仿真港鐵車廂畀學生玩，Mama大歎手工精細，唔少網民亦大讚老師好有心機，仲分享咗唔少幼稚園嘅精緻佈置出嚟畀大家分享。
家成日見家長埋怨老師多功課、唔識教小朋友等等，難得睇到有人讚賞老師嘅工作，Mama都覺得係一股清泉。話時話，點解啲幼稚園老師咁犀利，識得做啲咁靚嘅手工嘅呢？等Mama問吓有15年幼稚園教學經驗、現時係嵐天教室課程總監嘅Miss Blue（楊蔚嵐）先。
Miss Blue話，大家喺幼稚園見到嘅教材同佈置，大部分都係老師自己負責製作，「幼稚園多數採用主題式教學，假設一年有十個主題，即係大約每三個星期就要轉換一次。呢啲主題係學校設定，但係做啲乜嘢壁報、玩具教材，就係由老師自己諗。你可能問點解唔買現成呢？可能市面上嘅教材唔適合小朋友嘅年紀，或者現成玩具係由內地或外國製造，唔切合香港環境需要。我哋最希望學生可以利用合適佢哋嘅教材嚟學習」。
Miss Blue仲話，大家網上見到嘅港鐵佈置，其實已經屬於小兒科；更大型、更精緻嘅佈置早十幾廿年前已經喺唔少幼稚園出現，老師甚至可以將成個商場嘅聖誕裝飾再做一次搬入幼稚園，只係大家冇乜留意。「所以我都好開心，終於有人知道幼稚園老師嘅苦心。唔好成日只係讚外國嘅教育有幾好，其實香港老師都好有心機。」
上堂訓練手工 實習親製教材
至於點解幼稚園老師啲手工咁叻？Miss Blue話呢個其實係幼師課程中要學習嘅一部分，除咗職前訓練，實習時所用嘅教材都係要自己設計，所以練得一手好「武功」。但係Mama見唔少幼稚園老師身兼上下午班，放工已經下晝六點，咁邊有時間做呀？佢就話呢啲多數係老師喺小朋友放學後、星期六返學校、平日喺屋企，或者喺長假期特別回校整嘅，但係每次拎出嚟見到小朋友玩得咁開心，又有學習成效，乜嘢辛苦都抵返晒啦。
Mama都好想借呢個機會，感謝香港呢班咁有心嘅幼稚園老師，希望小朋友、家長都感受到你哋嘅辛勞，少啲投訴啦。
[Happy PaMa 教得樂 第142期]
家成日見家長埋怨老師多功課、唔識教小朋友等等，難得睇到有人讚賞老師嘅工作，Mama都覺得係一股清泉。話時話，點解啲幼稚園老師咁犀利，識得做啲咁靚嘅手工嘅呢？等Mama問吓有15年幼稚園教學經驗、現時係嵐天教室課程總監嘅Miss Blue（楊蔚嵐）先。
Miss Blue話，大家喺幼稚園見到嘅教材同佈置，大部分都係老師自己負責製作，「幼稚園多數採用主題式教學，假設一年有十個主題，即係大約每三個星期就要轉換一次。呢啲主題係學校設定，但係做啲乜嘢壁報、玩具教材，就係由老師自己諗。你可能問點解唔買現成呢？可能市面上嘅教材唔適合小朋友嘅年紀，或者現成玩具係由內地或外國製造，唔切合香港環境需要。我哋最希望學生可以利用合適佢哋嘅教材嚟學習」。
Miss Blue仲話，大家網上見到嘅港鐵佈置，其實已經屬於小兒科；更大型、更精緻嘅佈置早十幾廿年前已經喺唔少幼稚園出現，老師甚至可以將成個商場嘅聖誕裝飾再做一次搬入幼稚園，只係大家冇乜留意。「所以我都好開心，終於有人知道幼稚園老師嘅苦心。唔好成日只係讚外國嘅教育有幾好，其實香港老師都好有心機。」
上堂訓練手工 實習親製教材
至於點解幼稚園老師啲手工咁叻？Miss Blue話呢個其實係幼師課程中要學習嘅一部分，除咗職前訓練，實習時所用嘅教材都係要自己設計，所以練得一手好「武功」。但係Mama見唔少幼稚園老師身兼上下午班，放工已經下晝六點，咁邊有時間做呀？佢就話呢啲多數係老師喺小朋友放學後、星期六返學校、平日喺屋企，或者喺長假期特別回校整嘅，但係每次拎出嚟見到小朋友玩得咁開心，又有學習成效，乜嘢辛苦都抵返晒啦。
Mama都好想借呢個機會，感謝香港呢班咁有心嘅幼稚園老師，希望小朋友、家長都感受到你哋嘅辛勞，少啲投訴啦。
[Happy PaMa 教得樂 第142期]
留言 (0)
