新聞類別
財經
詳情#
【明報專訊】「子華神」fans應該都會記得，黃子華曾經喺大台拍過套電視劇，飾演公司醫生麥提爽教人做生意，原來角色原型係來自公司醫生Daimyo Lau。原來當年編審搵咗Daimyo一齊度劇本，好似「八二定律、長尾理論」呢啲學術名詞都係來自Daimyo，再由黃子華演繹令觀眾容易明白。Daimyo最近更在澳門搞葡菜館，話唔定日後會上埋市喎。
大台劇集《絕代商驕》主要講黃子華飾演的麥提爽原本專搞企業併購重組，後來專做公司醫生，仲曾經幫家族企業重組，呢啲經歷原來唔少都係來自Daimyo，佢話自己理過咁多個案當中，最難忘係幫手拯救一間擁有3家分店嘅4S車行。
自身經歷成《絕代商驕》橋段
他同小琴講，當時全世界都話無得搞，不過佢發現，原來間公司根本無計好營運成本，儲住好多用唔着嘅存貨，加上經常由外判職員打理，經過佢由頭到尾重組後，由年蝕600萬元，一年之內替車行止蝕，仲要唔使注入額外資金。佢話呢段經歷後來都成為電視劇內容之一，不過當中當然有修改，至於係邊段就由fans自行發掘啦。
同冼國林師傅交情唔錯
電視劇就完咗好多年，不過Daimyo近期就再接挑戰，佢早排接手咗喺氹仔盛世酒店附近，一間叫La Crostini de La Reine品牌嘅葡式Fusion菜餐廳，佢笑住話搞餐飲唔係佢強項，不過喺租金同業務發展方面就可以幫到手，家仲諗緊返大陸開分店添。
佢話今次同土生葡人蘇嘉儀合作，皆因對方有條葡式乳豬秘方，除咗開餐廳，仲可以開發代理權同港商合作，將乳豬賣到去香港，直情將佢當西餅店咁搞證券化引人入股，甚至同其他食肆合作，將La Reine個分銷網絡擴大。查實Daimyo本人同冼國林師傅交情唔錯，唔知第日會唔會搵佢入股兼上市？
email: piano@mingpao.com
[小琴密語]
大台劇集《絕代商驕》主要講黃子華飾演的麥提爽原本專搞企業併購重組，後來專做公司醫生，仲曾經幫家族企業重組，呢啲經歷原來唔少都係來自Daimyo，佢話自己理過咁多個案當中，最難忘係幫手拯救一間擁有3家分店嘅4S車行。
自身經歷成《絕代商驕》橋段
他同小琴講，當時全世界都話無得搞，不過佢發現，原來間公司根本無計好營運成本，儲住好多用唔着嘅存貨，加上經常由外判職員打理，經過佢由頭到尾重組後，由年蝕600萬元，一年之內替車行止蝕，仲要唔使注入額外資金。佢話呢段經歷後來都成為電視劇內容之一，不過當中當然有修改，至於係邊段就由fans自行發掘啦。
同冼國林師傅交情唔錯
電視劇就完咗好多年，不過Daimyo近期就再接挑戰，佢早排接手咗喺氹仔盛世酒店附近，一間叫La Crostini de La Reine品牌嘅葡式Fusion菜餐廳，佢笑住話搞餐飲唔係佢強項，不過喺租金同業務發展方面就可以幫到手，家仲諗緊返大陸開分店添。
佢話今次同土生葡人蘇嘉儀合作，皆因對方有條葡式乳豬秘方，除咗開餐廳，仲可以開發代理權同港商合作，將乳豬賣到去香港，直情將佢當西餅店咁搞證券化引人入股，甚至同其他食肆合作，將La Reine個分銷網絡擴大。查實Daimyo本人同冼國林師傅交情唔錯，唔知第日會唔會搵佢入股兼上市？
email: piano@mingpao.com
[小琴密語]
回應 (0)
