葉太帶1984年文件講回歸史

【明報專訊】新民黨主席葉劉淑儀噚日應民主黨邀請，出席討論回歸嘅研討會，上世紀70年代已經加入政府嘅葉太，講到中英談判時如數家珍，更帶咗一份1984年嘅中英聯合聲明草案文本，邊讀邊同與會者分享。


葉太回憶話，自己1980年代初喺「下亞厘畢道東座6樓」擔任保安科首席助理保安司，臨離任時，「有位叫林鄭月娥嘅小姐做咗助理保安司」。佢話喺中英談判時，自己嘅工作涉獵居留權、國籍同旅行證件等範疇，但坦言同老細開會時只係坐後座，又話當時幫老細「拎篋」拎到隻手起繭。


葉太又喺會上「泄密」，話當年喺保安科工作時，得悉英國外交部電報嘅內容，話英方唔想完全維持行政主導，但又未有時間落實議會制。佢相信，中方當時一直認為將來接收香港後，都係以行政作主導喎。