新聞類別
財經
詳情#
【明報專訊】美圖公司（1357）股價早前表演直插無水花，主席蔡文勝（圖右）和上市前投資者創新工場老闆李開復（左）均有出席噚日股東會，記者梗係要抓住機會追問。兩人會後急急腳離開，但唔好彩撞正酒店(車立)遲遲未到，終究被圍堵。面對近在咫尺嘅記者，兩人表情尷尬，但人哋見慣風浪未驚過，全程笑而不語，使出「隨便你問，我就係唔答」大法，2分鐘時間同記者面面相覷，氣氛勁冷。
小股東：美圖如騰訊 解禁後再補倉
對會否減持、為何兒子減持等問題，蔡文勝始終保持緘默，只係被問禁售期過後會否擔心股價時，搖咗下頭。終於可以入(車立)，佢先如釋重負對記者講咗句「謝謝！」小琴建議，要避免冷場，下次最好搵間毋須等(車立)嘅酒店喇。
本月美圖股東禁售期屆滿，有出席股東會的小股東話，將美圖睇作騰訊（0700），就算解禁後下跌，都會再補倉，果然長情。不過就唔知啲基金股東會唔會長情？
email: piano@mingpao.com
[小琴密語]
留言 (0)
