中電新總裁「落區」親民

【明報專訊】中華電力新任總裁蔣東強（TK，圖）噚日正式返工，第一日就去咗落區探班，為前線同事打氣，了解佢哋工作實況，甚至抽時間嘗試做吓客戶服務員，解答疑難。好多人認為工程師多數木木獨獨，唔擅長同人溝通，但工程師出身嘅TK噚日就同同事有講有笑，仲請同事教佢同客戶溝通嘅秘訣，現學現賣即場幫手接聽客戶電話。TK仲有去「修理車」探班，佢話呢班同事最考應變力、耐力和體力，有時仲要去到啲偏遠地區，要走一至兩小時山路，一啲都唔容易應付，而家又已經踏入雨季，就嚟到颱風季節，相信同事會好忙，所以TK話一定要同佢哋打打氣。


[小琴密語]