新聞類別
副刊
詳情#
【明報專訊】Emily每次上飛機，前面總係有人擺好耐行李，又或者霸晒成個行李架，搞到其他人無位擺。香港有班大學生就諗到善用客機椅底位置，令乘客多咗位擺嘢。同學仔嘅設計唔單止聰明，仲攞咗法國空中巴士公司同聯合國教科文組織合辦嘅國際大型航空創意比賽「Fly Your Ideas」冠軍！
呢班讀香港大學機械工程系三年級嘅同學話，搭飛機時成日要等人放行李，咁啱團隊入面有人喺本地航空維修公司實習時，發現客機椅底下有空位，於是諗到喺座位下面整個30公升容量嘅長方形私人儲物格，增加乘客儲物空間。
隊員羅觀宇話，儲物格用防火嘅蜂窩狀物料製成，減輕重量，乘客只需按下解鎖掣後，儲物格就識自動升起，乘客可以擺放唔超過5公斤重嘅行李，格入面有塊鏡，方便觀察有無遺留物品。另一同學李建榮話儲物格仲可以拉出嚟，方便清潔。
按掣自動彈出 可放5公斤行李
呢次係第一次有香港學生喺比賽中奪冠，同學仔話決賽喺法國進行，好多資料要到間公司先拎到，得3至4日整模型，差唔多晚晚通頂。不過努力有回報，法國空中巴士公司話想進一步睇吓佢哋嘅研究，話唔定有一日飛機會有咁嘅裝置！
呢班讀香港大學機械工程系三年級嘅同學話，搭飛機時成日要等人放行李，咁啱團隊入面有人喺本地航空維修公司實習時，發現客機椅底下有空位，於是諗到喺座位下面整個30公升容量嘅長方形私人儲物格，增加乘客儲物空間。
隊員羅觀宇話，儲物格用防火嘅蜂窩狀物料製成，減輕重量，乘客只需按下解鎖掣後，儲物格就識自動升起，乘客可以擺放唔超過5公斤重嘅行李，格入面有塊鏡，方便觀察有無遺留物品。另一同學李建榮話儲物格仲可以拉出嚟，方便清潔。
按掣自動彈出 可放5公斤行李
呢次係第一次有香港學生喺比賽中奪冠，同學仔話決賽喺法國進行，好多資料要到間公司先拎到，得3至4日整模型，差唔多晚晚通頂。不過努力有回報，法國空中巴士公司話想進一步睇吓佢哋嘅研究，話唔定有一日飛機會有咁嘅裝置！
回應 (0)
