中金炒露骨信息男主角

【明報專訊】家網上社交媒體咁方便，得罪人或者做咗啲唔見得光嘅事，都好易畀人起底！中金研究部執行總經理兼銀行分析師黃潔近日向公司女實習生發送疑似「潛規則」信息，包括「這是一個名利場，你願意嗎？」，甚至係「可能因為工作壓力大吧，所以有時真的需要全身放鬆，明天上午在（內地），下午就飛回香港，希望你能把握住機會。」信息內容露骨，究竟佢要女實習生把握啲咩機會呢？就由讀者們自己猜想了。


不過，黃潔呢個「潛規則」信息好快就被內地媒體廣傳，仲畀人起埋底喺中金公司度做。


中金公司反應都幾快，噚日就send email畀內部員工，話經過調查之後，決定解僱呢名涉事員工。雖然內部email冇公開呢個人嘅大名，但其後中金發言人已經向小琴證實呢名被炒員工就係黃潔。睇嚟黃潔今次水洗都唔清，恐怕有排都得再「潛規則」了。


email: piano@mingpao.com

[小琴密語]