國際義工節服務埋難民

【明報專訊】港人熱心社會服務，Emily早前聽社署署長葉文娟講起，本港有逾百萬人有登記做義工服務，而近年慈善組織提供嘅義工服務變得多樣化。慈善團體「牽手．香港」（Hands On Hong Kong）與社聯合辦咗「香港國際義工節」，於5月6至14日嘅9日內辦148項義工服務，除咗為難民家庭提供服務，等難民媽媽可以有空檔做吓運動咁，仲有為弱勢長者翻新屋企、冒雨到嘉道理農場植樹等。
Emily日前喺義工節活動問起「牽手．香港」執行總監杜曉晴（Sue Toomey），佢就提起現時要令義工服務更多彈性及更易接觸，故其網頁可以畀想做義工嘅市民，即時登記參與有興趣項目，未來盼吸引更多企業或個人做義工。同場嘅社聯行政總裁蔡海偉就提到，有研究發現澳洲、英國等地人士做義工嘅普及程度名列前茅，香港、新加坡屬中下游，相信有待再推廣做義工嘅風氣。