地辦開張 朱凱廸請街坊許願

【明報專訊】民主黨立法會議員林卓廷，以及自決派議員朱凱廸嘅地區議員辦事處，都喺噚日開張。阿廸嘅地辦叫「不是地辦」，除咗係議員辦事處，仲係一個畀志同道合人士一齊眾會、實踐願景嘅地方。有別於傳統開張儀式，阿廸無切燒豬，亦無舞龍舞獅，而係搵嚟一眾街坊，將自己嘅心意同願景寫喺「新西許願樹」上面，作為地辦開張嘅禮物。


阿廷嘅地辦位於大圍美林邨，多個民主黨領導層同資深黨友都有到賀，一齊切燒豬。成功交棒畀阿廷嘅前主席劉慧卿，更加笑到見牙唔見眼。阿廷話，有咩求助、投訴或者需要義務法律諮詢，都可以去辦事處搵幫手。