新聞類別
副刊
詳情#
【明報專訊】公民黨同新民黨噚日分別舉行黨慶，其中公民黨籌款晚宴筵開45席，最終憑拍賣同表演環節，籌得約430萬蚊。講到為黨犧牲最大嘅，莫過於立法會議員陳淑莊（Tanya），佢噚日表演探戈舞之後透露，早排練舞時意外拉裂胸骨，仍然負傷上陣，結果籌到10萬蚊，Tanya話今日要睇醫生。
噚晚活動唔見現屆政府班子官員到場，但候任特首林鄭月娥出席晚宴之餘仲留低食埋飯，坐咗個半鐘先走。黨魁楊岳橋（AY）喺晚宴致辭，話希望林太未來5年可以令港人「唔使咁攰」，唔知林太收唔收到信息呢？
傑哥又舞獅又跳PPAP
噚晚晚宴一開始就有3隻舞獅入場，不過其中一隻「藍獅」似乎唔多夠氣，舞咗一陣動作就慢咗落嚟，吐出「我要真普選」直幡後，揭開獅頭原來係黨主席梁家傑（傑哥）。傑哥噚日其實相當落力，除咗舞獅，亦有獻唱，仲跳埋早排大熱嘅「PPAP」舞，引嚟全場掌聲。
獻唱環節方面，高潮位莫過於Tanya同前黨友曾健超、社民連梁國雄、佔中發起人陳健民、朱耀明等合唱《友誼之光》，形容係「坐過」或者「會坐」嘅人合唱。
公民黨噚晚同林鄭言談甚歡，網上都有唔少反響，好似社民連副主席黃浩銘就喺fb重貼公民黨有份聯署、泛民話同林太無互信基礎嘅公開信，反問公民黨「發生咩事？」
噚晚活動唔見現屆政府班子官員到場，但候任特首林鄭月娥出席晚宴之餘仲留低食埋飯，坐咗個半鐘先走。黨魁楊岳橋（AY）喺晚宴致辭，話希望林太未來5年可以令港人「唔使咁攰」，唔知林太收唔收到信息呢？
傑哥又舞獅又跳PPAP
噚晚晚宴一開始就有3隻舞獅入場，不過其中一隻「藍獅」似乎唔多夠氣，舞咗一陣動作就慢咗落嚟，吐出「我要真普選」直幡後，揭開獅頭原來係黨主席梁家傑（傑哥）。傑哥噚日其實相當落力，除咗舞獅，亦有獻唱，仲跳埋早排大熱嘅「PPAP」舞，引嚟全場掌聲。
獻唱環節方面，高潮位莫過於Tanya同前黨友曾健超、社民連梁國雄、佔中發起人陳健民、朱耀明等合唱《友誼之光》，形容係「坐過」或者「會坐」嘅人合唱。
公民黨噚晚同林鄭言談甚歡，網上都有唔少反響，好似社民連副主席黃浩銘就喺fb重貼公民黨有份聯署、泛民話同林太無互信基礎嘅公開信，反問公民黨「發生咩事？」
回應 (0)
