細劉女兒劉今蟾首開腔

【明報專訊】利福國際（1212）主席「細劉」劉鑾鴻一對子女今蟾同今晨，自從去年做了公司執董後，已經有陪Daddy劉鑾鴻一齊出席業績發布會，嗰陣兩人都以「觀課」為主；一年過後，兩人繼續撐Daddy場，今次仲由家姐今蟾打頭陣，先為公司過去一年的業績做簡短的介紹presentation，在問答環節還有回應記者提問！

劉今蟾在簡介開始的時候，似乎還未習慣面對那麼多記者朋友，有少少緊張，但可能準備夠充足，小記見她講多一陣，個人已經放鬆好多；當有記者問到關於尖沙嘴SOGO收入逆市增長，同有關廣告問題嘅時候，現職集團部門經理，負責國際品牌同銷售推廣的劉今蟾還主動回答記者，而且答得好仔細，看來今蟾返工一定無偷懶，樣樣跟到足！

劉今晨染金髮

至於細佬今晨，噚日小記見佢染咗金髮，外型好似比堂哥劉鳴煒更sharp，不過今次細佬就未有喺記者會上開腔，唔知下次會今晨表演呢？