不滿專欄叫人「買定花生」睇誹謗官司 胡官勸馮煒光搵定工

【明報專訊】香港記者協會噚日舉行特首候選人座談會，分別邀請3個候選人曾俊華、林鄭月娥同胡國興出席。其中胡官提到特首梁振英控告立法會議員梁繼昌誹謗，唔滿意新聞統籌專員馮煒光（圖）叫人「買定花生」，話如果自己係特首，會叫馮煒光「買定『米報』（招聘廣告雜誌），搵番第二份工喇」。


胡官話，梁振英嘅幕僚應勸諫佢「算吧喇，唔好告人喇」，但馮煒光反而寫文叫人「買定花生」。胡官又話，如果佢係特首，佢嘅新聞統籌專員最主要唔係服務特首，而係服務新聞界。


馮煒光喺星期一嘅《頭條日報》專欄話，「UGL此事擾攘了兩年多，外國傳媒老早收手收口，外國監管機構不查，其他相關公司沒有動作，剩下香港的反對派繼續造謠」，又話「法律界朋友眾口一詞，不只梁特首可以告誹謗，UGL也可以，DTZ更可以，大家買定花生吧！」