故宮館諮詢完結 收逾1500份問卷

【明報專訊】為期8個星期嘅香港故宮文化博物館公眾諮詢前日屆滿，西九文化管理局噚日出稿話，諮詢期間收咗1575份已填妥嘅問卷同58份意見；喺中環展城館舉辦嘅展覽，則有超過2.2萬人次參觀。
政府舊年12月23日宣布與北京故宮博物院簽備忘錄合作，並由香港賽馬會出資35億元，喺西九文化區興建香港故宮文化博物館，但整個計劃嘅公布好突然，因為事前無諮詢引起社會爭議。西九管理局之後宣布喺1月11日至3月8日舉辦公眾諮詢。
西九管理局話，今次諮詢目的係收集意見，特別係設計、節目策劃、教學及詮釋工作等；諮詢期間西九管理局諮詢會共舉行兩次特別會議同5場諮詢會，諮詢持份者意見。
西九管理局行政總裁栢志高話，社會熱烈回應今次諮詢，管理局將分析所有意見，協助西九董事局決定故宮館嘅未來發展路向，以提升本港藝術及文化生活。