風水輪流轉 廖長城被當細佬廖長江

【明報專訊】行政會議成員廖長城同廖長江兩兄弟，雖然外表唔算似樣，但廖長城就話，都不時有人將佢哋認錯，阿哥廖長城笑言唔介意其他人搞錯佢哋，仲同Emily講笑，如果講錯嘢，仲可以同人講唔關佢事，只係細佬廖長江講咁話。


政壇兄弟幫唔算好多，而廖長城係全國政協委員，廖長江就係港區人大代表。廖長城話以前細佬無咁多人識，有人會將細佬認錯係佢，但近年細佬做咗立法會議員，仲係建制派班長，所以唔少人反而會將佢認錯做長江。


廖長城英文名叫Andrew，但話自己喺微信都會用「Great wall」呢個名，有時外國人問起佢個名，一講「Great wall」就明白。