馬逢國搵少數民族人代集郵 叫大家估身分

【明報專訊】喺北京舉行嘅全國人大及政協會議會期甚長，出席嘅港區人代都搵方法消磨時間，好似馬逢國就玩「集郵」，前日出席人大會議開幕，聽取總理工作報告之餘，係會議前後走去搵唔同嘅少數民族代表影相留念，然後放咗5張唔同少數民族嘅相上facebook畀大家睇，仲讚佢哋嘅服飾多彩絢麗。Emily就問馬逢國，點解唔話畀大家知佢哋係咩嘢少數民族，馬逢國就大賣關子，話刻意咁做，等大家估吓喎。


Emily睇番資料，全國人大有近3000名代表，來自全國唔少地區及單位，其中少數民族嘅人大代表名額分配，佔總名額約12%，而人口特少嘅少數民族至少有1個代表。