茶具文物館重現良渚文化

【明報專訊】良渚文化係新石器時期嘅古代文明，不過喺大概4000年前突然消失，亦發現唔到文字記載良渚人嘅文化同宗教信仰。不過，長江下游良渚遺址群發掘嘅文物，就令良渚文化重見天日，令大家了解遠古文明對中國文化發展嘅重要性。如果想知道咩野係良渚文化，就唔使去到長江下游咁遠，香港藝術館最近同浙江省博物館聯合籌劃咗「江南晨曦——浙江省博物館良渚文化展」，喺茶具文物館展出118組玉器、石器同黑陶器，例如有浙江省餘杭反山出土的玉琮、餘杭瑤山出土的玉璜、良渚文化遺址出土的玉璧。


透過呢一系列出土器物，市民可以得知良渚人嘅日常生活、體制同精神世界，今次展覽亦係回歸20周年嘅慶祝活動之一，展期去到5月30日。民政事務局副局長許曉暉噚日喺展覽嘅開幕禮致辭，佢話從展品睇到當時良渚人嘅精神想像同創意，亦睇到史前文明嘅物質成就，相信市民參觀過後都會讚嘆呢批展品。