外父係用家 楊立門推廣免費撒骨灰

【明報專訊】有「AO歌王」之稱嘅發展局及民政事務局前常任秘書長楊立門2014年退休之後淡出官場，反而加入咗樂壇，推出自己作曲填詞嘅派台歌，一圓當年嘅歌星夢。Emily發現佢最近又有新搞作，親身上陣幫食環署拍廣告，推廣骨灰紀念公園撒灰服務。


食環署家有11個紀念公園，畀市民撒放先人骨灰，楊立門今次係用間接用家身分拍攝呢個廣告，原來佢外父2013年過身嘅時候，都選擇喺骨灰紀念公園撒灰。楊立門話，佢外父生前無乜特別嘅宗教信仰，所以好快就決定咗用撒灰服務，仲話撒骨灰嘅地方好開揚、種滿鮮花，感覺好舒服。


楊立門話，中國傳統有所謂「塵歸塵 、土歸土」或者「入土為安」，與其將骨灰放喺一個格仔入面，倒不如畀佢成為生命嘅養分。