民記奶粉提名表交3次 蕭浪鳴認蝦碌：提名到就得

【明報專訊】特首候選人林鄭月娥提名有進帳，拎住580個提名入閘，雖然數目係3個候選人之冠，但蝦碌亦都係最多。除咗有7個提名被DQ，需要補番之外，亦有36個選委重複提名，當中民建聯元朗區議員蕭浪鳴更加交咗3次提名，唔通佢係「超級奶粉」？Emily同蕭浪鳴傾過，佢話係溝通上有啲小誤會，先至會咁蝦碌。


蕭浪鳴話自己先交咗一張電腦打印嘅提名表畀林鄭競選辦，但又唔記得咗，所以喺區議會同其他議員一齊填報另一張提名表。之後佢收到林鄭競選辦人員信息，話佢提名表格上嘅字體太潦草，為穩陣起見，要求佢再填多張提名表，「點知原來寫得潦嗰張都交埋出去，好在無限制唔可以重複提名幾多次，提名到就得啦」。


林鄭上選舉處　又無行正門

講開林太，呢幾日傳媒行家為採訪候選人提交提名，都喺灣仔選舉事務處地下大堂長期駐守，去到下午就見到林鄭競選辦公關戴健文單人匹馬由正門進入，話自己「嚟睇吓」，無透露林太幾時會到場。點知轉個頭，Emily就收到行家通報，原來林太同前日一樣無經正門入，而係由停車場直接搭