網上群組造勢 「薯仔」約見薯片

【明報專訊】特首選舉已經進入另一階段，3名候選人曾俊華、胡國興同林鄭月娥一齊爭奪特首寶座。有人已經自發成立粉絲團，準備好為心儀候選人造勢。最近有一個叫「Small Potatoes HK 薯仔」嘅專頁喺facebook出現，呢班「薯仔」仲已經「落地」，準備今日同大家講未來活動計劃。


「Small Potatoes HK 薯仔」嘅代表同Emily講，佢哋係一班來自唔同背景、唔同專業嘅年輕人，喺網上發起群組，希望可以為香港嘅進步出一分力。呢班「薯仔」講明「相信曾俊華先生能夠帶領我們跨越界別、立場嘅分野，一同改寫香港嘅命運」，佢哋噚日仲約見曾俊華，向薯片表達最多「薯仔」關心嘅議題。


「薯仔」今日會搞茶敘，同大家交代會見曾俊華嘅內容，以及未來活動計劃。