愛滋基金會宣傳 開班教整安全套

【明報專訊】唔少人都覺得香港嘅教育好缺乏性教育，有團體為咗令年輕人提高安全性接觸嘅意識，就走入多間大專院校搞講座同討論性議題，仲同學生一齊製作安全套，希望佢哋可以學會保護自己。


走入大專校園

香港愛滋病基金會同多間本地大專院校及學生組織合作，全力推行「Love with Sextitude」呢個活動，談及點樣學會保護自己同伴侶免受HIV或其他性病感染；而基金會今年搞搞新意思，一改只係做講座同討論嘅活動，開設咗安全套製作工作坊，等學生可以落手落腳做安全套，可以用更多角度了解安全套，等同學仔有更深刻印象，知道性接觸時應用安全套。