新聞類別
財經
詳情#
【明報專訊】打機仲可以訂埋酒店餐廳？日本廉航樂桃航空主要股東之一，香港家族投資企業第一東方董事長諸立力就透露，樂桃正同科網公司研發緊VR技術，未來幾個月就會推出，第時大家只要帶住個VR眼鏡，通過遊戲機就可以通過樂桃嘅系統，喺屋企提前睇定日本好多餐廳同酒店，不過，小琴玩過VR就覺得好容易暈，大家訂房都要小心。
賣樂桃畀全日空 第一東方賺廿億
諸生就話，樂桃營運咗咁多年，建立咗個大數據庫，公司希望同好多酒店食肆合作，打造一個「生態系統」，為旅客提供更好嘅服務。第一東方上星期啱啱宣布，同日本另一大股東一齊將部分持有嘅樂桃股權，作價44億港元賣畀大股東日本全日空，諸立力話咁樣做可以令樂桃享受到全日空喺財務、營運等方面嘅日常支援。小琴打聽到，當時諸生投資樂桃淨係用咗4億，今次批股份賣出去值24億，照咁計，6年賺6倍嘅成績都認真威水！
對於樂桃下一步發展計劃，諸生話希望出年會開通沖繩至廣州嘅航班，未來亦都會開拓泰國市場，公司亦都會考慮埋上市，不過要先將公司家1億美元嘅市值翻個倍先算。
email: piano@mingpao.com
[小琴密語]
賣樂桃畀全日空 第一東方賺廿億
諸生就話，樂桃營運咗咁多年，建立咗個大數據庫，公司希望同好多酒店食肆合作，打造一個「生態系統」，為旅客提供更好嘅服務。第一東方上星期啱啱宣布，同日本另一大股東一齊將部分持有嘅樂桃股權，作價44億港元賣畀大股東日本全日空，諸立力話咁樣做可以令樂桃享受到全日空喺財務、營運等方面嘅日常支援。小琴打聽到，當時諸生投資樂桃淨係用咗4億，今次批股份賣出去值24億，照咁計，6年賺6倍嘅成績都認真威水！
對於樂桃下一步發展計劃，諸生話希望出年會開通沖繩至廣州嘅航班，未來亦都會開拓泰國市場，公司亦都會考慮埋上市，不過要先將公司家1億美元嘅市值翻個倍先算。
email: piano@mingpao.com
[小琴密語]
留言 (0)
