「全球候鳥度假地•高爾夫裏的平房」

【明報專訊】內地有不少樓盤名稱好古怪又出位，例如由美聯中國代理在廣東惠州巿惠東縣大嶺鎮一個別墅樓盤，個名稱不計標點符號有14個字咁長，叫做「全球候鳥度假地•高爾夫裏的平房」。

難道個樓盤真係顧名思義，有好多候鳥喺度棲息？發展商光耀地產的營銷中心總監沈岸戈說，原來個樓盤周邊，每年秋天真係有成千上萬隻候鳥飛回來，種類超過40種，其中以黃嘴白鷺、岩鷺等多種鳥類。

旁為逾40種候鳥南下棲息地

不過，既然附近咁多候鳥棲息，應該對自然生態好有保育價值，在此起樓會否有影響？或者將來政府會否追究呢？沈岸戈對記者話，個樓盤之內並非候鳥棲息範圍，並且經過惠州巿環保局發出批文准許興建，因為附近有咁多候鳥聚集，所以用佢哋嚟做賣點，將個樓盤改名到咁樣。

佢又話，其實這個項目發展模式，係一個佔地總規劃超過4.5平方公里的高爾夫球場，但以分期批地方式及最少超過5年去發展，同時有多期發展的別墅及分層住宅興建。首期項目中，下個月4日在港發售首批169幢別墅，面積由1000多至2000多方呎，金額由人民幣268萬元至近1000萬元不等。

光耀地產總經理李丁說，佢哋母公司光耀集團現時分別在珠三角、長三角及環渤海等10多個城巿，持有房地產發展項目的土地面積逾5300萬方呎，可建樓面介於8000萬至逾1億方呎，有計劃2012年上巿。

■報料電郵﹕piano@mingpao.com