盛智文﹕TVB神秘買家無影

【明報專訊】最近TVB（0511）場收購戰，因為突然殺出神秘買家，似乎仲好睇過大台自己啲電視劇，噚日身兼TVB獨立非執行董事嘅盛智文出席活動時例牌表示，對傳奇影業「完全沒有概念（no idea）」，最絕係仲要抽多亞視一下水，皆因佢話亞視當年聲稱有中資入股，最終都莫財要結業。


順便再抽ATV水

盛智文話，家只係知道收購的名字，但正如TVB董事會所說，公司到噚日都接觸唔到買家，所以佢哋資金係來自內地定本地都係一無所知，現階段得個等字。


不過，有記者問到佢會唔會擔心係有內地資金嚟收購，他竟然連已經壽終正寢嘅亞洲電視（ATV）都唔放過，話亞視都曾經話有內地資金注入，最後咪又係因資金短缺要結束營運。


至於另一個熱門話題特首選舉，雖然盛智文已經加入林鄭月娥競選辦，但佢話誰勝誰負家不宜太早下定論，因為民主派手握逾300票係好關鍵。


[小琴密語]