願做第150個提名 鍾國斌：送人入閘

【明報專訊】特首選舉提名期已經開始，各方關注究竟逾千選委會點提名，自由黨榮譽主席田北俊就率先表態會做曾俊華第一個提名人，咁其他自由黨成員又點呢？自由黨黨魁鍾國斌同Emily講，該黨星期二都開咗會討論，決定黨友可以自由發揮，相信最終無論係林鄭月娥定曾俊華，都會由黨友自由提名。


至於佢自己呢？鍾國斌就保持神秘，佢話要做第150個提名人，無論係曾俊華、葉劉淑儀定胡國興都好，只要拎到149個選委提名，佢就願意做第150人，送對方入閘咁話，但笑言若參選人已經夠提名入閘，都唔使佢嗰票喇。