莫乃光遞聯署 反對的士內裝cam

【明報專訊】曾經遭的士多番拒載、受過司機氣嘅資訊科技界議員莫乃光，對的士服務好上心，佢噚日去咗個人資料私隱專員公署，遞交近500市民聯署，話要反對的士裝車cam攝錄，話擔心措施侵犯私隱。


莫乃光同公署人員會面，話的士團體雖然近月提出，鏡頭將改為從後面拍攝，但佢話如果配合錄音，仍然有可能辨認到身分，侵犯乘客個人私隱。


佢又舉出之前懷疑有的士司機上載乘客餵哺母乳錄影嘅事件，問點樣保證攝錄片段嘅使用同安全。