兩新司接棒後 梁班子首合照

【明報專訊】特首梁振英身邊第一、第二把交椅嘅官員早前都相繼辭職，落場跑馬仔。噚日喺禮賓府搞嘅新春酒會，梁振英夫婦（前左六、七）嘅身邊人就換成新上任嘅財政司長陳茂波（前右四）同政務司長張建宗（前左五），一齊祝酒。其實呢張相好有紀念價值，相信會係「新班子」嘅第一張集體合照啦。


前排左起係食物及衛生局長高永文、保安局長黎棟國、商務及經濟發展局長蘇錦樑、律政司長袁國強、政務司長張建宗、特首梁振英、特首夫人梁唐青儀、財政司長陳茂波、運輸及房屋局長張炳良、政制及內地事務局長譚志源、環境局長黃錦星。


後排左起係中央政策組首席顧問邵善波、入境事務處長曾國衛、審計署長孫德基、廉政專員白韞六、署理發展局長馬紹祥、民政事務局長劉江華、創新及科技局長楊偉雄、公務員事務局長張雲正、警務處長盧偉聰、海關關長鄧忍光、特首辦主任邱騰華。