梁卓偉派利市 藏竹絲雞紀念幣

【明報專訊】噚晚港大醫學院春茗，院長梁卓偉（中）心情相當靚，向在場記者每人派一封利巿。大家趁機會祝佢步步高陞，佢即刻講笑話：「你引唔到我講嘢嘅。」
做完財神，佢即席打開利巿，介紹裏面嘅醫學院紀念幣。佢話，舊年猴年，紀念幣圖案係馬騮採中藥，今年係雞年，雞同醫學有啲關係，當然都要應下節啦，所以就揀咗竹絲雞（圓圖）。但到底有咩關係呢？佢就無解釋喇。大家追問係咪講緊禽流感，佢就笑一笑，話港大都做好多禽流感研究嘅。