跳到主要內容

參考外國「慢電視」 港台播雞仔版《魚樂無窮》長青網文章

2017年02月08日
檢視個人資料
Submitted by 長青人 on 2017年02月08日 06:35
2017年02月08日 06:35
新聞類別
副刊
詳情#
【明報專訊】港台32台向來以直播立法會會議同重要記者會為主,近排Emily半夜打開電視,竟然見到雞仔版《魚樂無窮》,鏡頭影住雞仔你推吓我,我又啄下你咁,背景有音樂之餘,仲有小雞吱吱叫,相當得意。


Emily問過港台,原來呢個節目係新嘗試《漫,電視》,參考外國頗受歡迎嘅「慢電視(Slow TV)」,馬拉松式播放日常生活或普通事件,好似影住火車入站出站、織冷衫咁,節奏比較慢,而且好少刪剪同旁白。


非定期播放 暫未能重溫

今次港台趁住雞年,就派出攝製隊去本地雞場拍攝,呢個製作同亞視經典《魚樂無窮》有幾分似,個鏡頭係咁影住啲雞仔,間中會移動,一時影雞仔食嘢,一時轉去另一邊影佢哋飲水。


聽講港台另外仲影咗木匠雕刻「如意吉祥」祝福語,只限新春期間嘅凌晨播放應節。《漫,電視》家陣係唔定期播出,噚日同今日清晨7點鐘就播咗夜景篇。


聽講攝製隊陸續拍緊其他主題,遲啲會登場。不過,港台網站暫時未有得重溫呢輯節目,想感受吓「慢電視」形式有幾慢,就要「捕住」電視等吓緣分喇。


0
0
0
書籤
留言 (0)
確定